நான் நஞ்சை
நீ மேகம்
பொழிவதாக சொல்லி சொல்லி
போய்க்கொண்டே இருக்கிறாய்
பொழியாமலே....
என்றேனும் - நீ
பொழிய நினைக்கையில்
ஒருவேளை - நான்
பாலையாகி இருக்க கூடும்!
*****
என்னை சங்கடப்படுத்துவதில் எல்லாம்
சந்தோஷப்பட்டு கொண்டே இருக்கிறாய்
என்றேனும் - என்னை
சந்தோஷப்படுத்த விரும்புகையில்
ஒருவேளை
நானில்லாது - நீ
சங்கடப்பட்டிருக்க கூடும்!
*****
என் எல்லா தவங்களுக்கும்
சாபங்களையே தந்துகொண்டு இருக்கிறாய்.
என்றேனும் - நீ
வரம் தர நினைக்கையில்
தவமாயிருந்த நான்
சவமாயிருக்கக்கூடும்!
No comments:
Post a Comment