Thursday, March 3, 2011

இறந்துவிடாதிருக்கிறேன்

உயிர்த்திருக்கிறேன்
உன் நினைவுகள் சுமந்து - இந்த
ஊருணி வீட்டில்!

எரிக்கப்படாத - உன்
இறந்தகாலம்
எரித்துக்கொண்டிருக்கிறது
என்
எதிர்காலத்தை

பங்கு வைக்கப்பட்ட - உன்
பாசம்
பரிகாசம் செய்கிறதென்னை

காரணமும் இன்றி
காதலும் இன்றி - ஓர்
கற்பனா உறவில்
காலம் கழிக்கின்றேன்

நேசிக்கப்படாத - என்
நேசமும்
யோசிக்கப்படாத - என்
யோகமுமாய்..
வெறுமையில்
வழுக்குகிறது - என்
வாழ்க்கை

என்றேனும் - உனக்குள்
எனக்காகவும் ஓர்
எச்சம் உருவாகும்
எனும்
எதிர்பார்ப்புக்களுடனும்
ஏமாற்றங்களுடனும்

இப்படியாக 

இன்னமும்
இறந்துவிடாதிருக்கிறேன்

இறந்த கால இனிய நினைவுகள் மட்டுமே
இறுக்கிப்பிடித்தபடி!

Wednesday, March 2, 2011

முற்றுப்புள்ளியை நோக்கி

நிழலை தொடர்ந்து சென்றவன்
நிராசையோடு திரும்புவதை போல...
செந்தழலை தின்று செரித்தவன்
தண்ணீரை தவிர்ப்பது போல

என்னில் இருந்து நானே பிரிகிறேன்!

கண்ணாடியை காயப்படுத்தாமல்
பிரியும் பிம்பம் போல..
கிளைக்கு வலிக்காமல்
உதிரும் இல்லை போல...

***

முற்றுப்புள்ளிகள் எல்லாம்
கால்புல்லிகலாகும்
காலகட்டத்தில்.. இந்த
கால்புள்ளி,
முற்றுப்புள்ளியை நோக்கியே
முன்னேறுகிறது..

சில கால் புள்ளிகளின்
கால அளவை நீட்டிக்க!